Logo

कर्णाली प्रदेश

नेकपा कर्णाली प्रदेश विवाद उत्कर्षमा, मुख्यमन्त्री शाहीले हटाए प्रमुख सचेतक



काठमाडौं, २६ असोज कर्णाली प्रदेशसभा नेकपा संसदीय दलका प्रुमख सचेतक गुलावजंग शाहलाई जिम्मेवारीबाट हटाइएको छ। प्रदेश संसदीय दलका नेता एवम् मुख्यमन्त्री महेन्द्रबहादुर शाहीले शाहलाई प्रमुख सचेतकबाट हटाएका हुन्।

मुख्यमन्त्री शाहीले कामकारबाही सन्तोषजनक नभएको भन्दै शाहलाई सोमबार प्रमुख सचेतकबाट हटाइएको जानकारी दिए। शाहलाई हटाउन लेखिएको पत्रमा कामकारबाही सन्तोषजनक नभएकोले प्रमुख सचेतकको जिम्मेवारीमुक्त गरेको उल्लेख छ।

प्रमुख सचेतक शाहसहितका १८ सांसदले आफूविरुद्ध अविश्वासको प्रस्ताव संसदीय दलमा दर्ता गरेको भोलिपल्ट मुख्यमन्त्री शाहीले यस्तो कारबाही गरेका हुन्।

प्रमुख सचेतकको जिम्मेवारी हाल सचेतक रहेकी प्रदेशसभा सदस्य सिताकुमारी नेपालीलाई दिइएको छ। नेपाली यसअघि सचेतक थिइन् ।

शाहलाई हटाएर नेपालीलाई जिम्मेवारी दिइएको जानकारी पार्टी प्रदेश कमिटी र प्रदेशसभा सचिवालयलाई समेत जानकारी गराइसकेको मुख्यमन्त्री शाहीको सचिवालयले जानकारी दिएको छ।

प्रकाशित : १७ पुष २०२६, बिहीबार ००:००

सूचना विभाग दर्ता नं.

८५८-२०७५/७६

सम्पर्क

अनामनगर, काठमाडौं, नेपाल
+९७७ ९८५७०५०९७० / +९७७ ५९ ५२४२२०
[email protected] [email protected]

हाम्रो समूह

  • सम्पादक
    यादव थपलिया ९८४१३८९००६
  • व्यवस्थापक
    शिक्षा थपलिया
  • अध्यक्ष
    तीर्थमणि अधिकारी
  • प्रबन्ध सम्पादक
    शान्तिराम नेपाल
%d bloggers like this: