Logo

आर्थिक

सेयर बजारमा ८४.९० अंकको गिरावट



काठमाडौं, जेठ ३ गते । स्थानीय तह निर्वाचनपछि पहिलो पटक कारोबार भएको सेयर बजारमा मंगलबार ठूलो गिरावट आएको छ । यस दिन बजार ८४.९० अंकले घटेर २२६५.५२ बिन्दुमा झरेको हो ।

निर्वाचन अगाडिको दुई दिन बढेको बजारमा मंगलबार भने उच्च गिरावट आएको छ । बजार घटेपछि कारोबार रकम समेत खुम्चिएको छ । यस दिन सबै उपसमूहहरु राताम्य रहे । सबैभन्दा धेरै वित्त र जलविद्युत् समूहका लगानी कर्ताले गुमाए ।

मंगलबार कुल २२१ कम्पनीको ३३ हजार ६१० वटा कारोबार भएको थियो । जसबाट ३५ लाख ९५ हजार ५६८ कित्ता बराबरको सेयर किनबेच भएको छ । मंगलबार कारोबार रकम १ अर्ब ६४ करोड ४९ लाख ५० हजार २३९ रुपैयाँमा सीमित भयो ।

मंगलबार सामुदायिक लघुवित्त वित्तीय संस्थाको सेयरमूल्य सबैभन्दा धेरै ४.९६ प्रतिशतले बढेर १३९६ रुपैयाँमा पुग्यो । बोटलर्स नेपाल समेत मूल्य बढ्ने कम्पनीमा रह्यो । युनाइटेड इन्स्योरेन्स, लुम्बिनी जनलर इन्स्यारेन्स र सूर्योदय वामी लघुवित्त वित्तीय संस्थाको सेयर मूल्यमा भने नेगेटिभ सर्किट लाग्यो । करीव एक दर्जन कम्पनीको कारोबार नेगेटिभ सर्किट लेवलमै झरेर रोकिएको छ ।

प्रकाशित : १७ पुष २०२६, बिहीबार ००:००

सूचना विभाग दर्ता नं.

८५८-२०७५/७६

सम्पर्क

अनामनगर, काठमाडौं, नेपाल
+९७७ ९८५७०५०९७० / +९७७ ५९ ५२४२२०
[email protected] [email protected]

हाम्रो समूह

  • सम्पादक
    यादव थपलिया ९८४१३८९००६
  • व्यवस्थापक
    शिक्षा थपलिया
  • अध्यक्ष
    तीर्थमणि अधिकारी
  • प्रबन्ध सम्पादक
    शान्तिराम नेपाल
%d bloggers like this: