बार्सिलोना – स्पेनिस ला लिगा क्लब बार्सिलोनाका प्रशिक्षक जाभी हर्नान्डेजले स्ट्राइकर सर्जियो अग्विरोले सन्यासको घोषणा गर्न लागेको भन्ने खबर गलत भएको बताएका छन् ।
शनिबार केही स्पेनिस सञ्चारमाध्यमले अग्विरोले अर्को हप्ता पत्रकार सम्मेलन गर्दै फुटबलबाट सन्यास लिने खवर प्रकाशित गरेका थिए ।
‘शनिबार सञ्चार माध्यमहरुमा जे देखियो त्यो सत्य होइन । मैले अग्विरोसँग कुरा गरेको थिए,’ जाभीले भने, ‘उनी शान्त र खुसी छन् । मैले उनलाई ठिक महसुस गरेपछि फर्कन आग्रह समेत गरें ।’
शनिबार ला लिगाअन्तर्गत स्पानियोलमाथी १-० को जित दर्ता गराएपछि बार्सिलोनाका प्रशिक्षक जाभीले अग्विरोको सन्यासको खबर सत्य नभएको बताएका हुन् ।
स्पानियोलविरुद्ध जाभीको प्रशिक्षणमा बार्सिलोनाले खेलेको पहिलो खेल थियो ।
प्रतिक्रिया