अर्जेन्टिना विश्वकप छनोट संघारमा

एजेन्सी- उरुग्वेमाथि १-० को जितका साथ अर्जेन्टिनाले विश्वकप छनोट सम्भावना बलियो पारेको छ। शनिबार बिहान सम्पन्न खेलमा अर्जेन्टिनाको जितमा एन्जेल डी मारियाले गरेको गोल निर्णायक बन्यो।

यो जितसँगै अर्जेन्टिनाले आफ्नो अपराजित यात्रालाई २६ खेलसम्म कायम राखेको छ। विश्वकपको दक्षिण अमेरिकी छनोटको दोस्रो स्थानमा रहेको अर्जेन्टिनाले १२ खेलबाट २८ अंक जोडेको छ । १२ खेलबाट ३४ अंक जोड्दै ब्राजिल शुक्रबार कतार विश्वकप २०२२ का लागि छनोट भइसकेको छ।

त्यस्तै समूहको छैटौं स्थानमा रहेको उरुग्वेले भने १३ खेलबाट १६ अंक जोडेको छ।