धरान, २८ असोज – शिक्षासेवी मदन चेम्जोङको निधन भएको छ। शिक्षासेवी चेम्जोङको सुनसरी धरानमा बुधबार निधन भएको हो।
पूर्वका ख्याती प्राप्त गणित शिक्षक चेम्जोङ लामो समयसम्म शिक्षण सेवामा सक्रिय रहेका थिए। पाँचथरको स्याब्रुम्बामा जन्मिएका चेम्जोङ पछिल्लो समय धरान बस्दै आएका थिए।
शिक्षासेवी चेम्जोङको निधनले नेपालको पूर्वी भेगको एउटा शिक्षाको ज्योति निभेको अनुभूति भएको संघीय लोकतान्त्रिक राष्ट्रिय मञ्चका अध्यक्ष कुमार लिङदेन मिराकले बताए।
शिक्षणसँगै सामाजिक सेवामा खटिने चेम्जोङ पाँचथरमा आर्थिक र सामाजिक गतिविधिमा खटिने गरेका थिए। स्व. चेम्जोङकी श्रीमती ठूली लावती र पाँच जना छोरीहरू रहेका छन्।
प्रतिक्रिया