एकै दिन १८ सयले घट्यो सुनको मूल्य

काठ्माडौं, जेष्ठ ३१ गते । सुनचाँदी बजारमा मंगलबार छापावाल सुनको मूल्य प्रतितोला एक हजार ८०० ले घटेर ९७ हजार १०० मा कारोबार भएको छ। सुन सोमबार प्रतितोला ९८ हजार ९००मा कारोबार भएको थियो।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला ९६ हजार ६०० छ। यसको मूल्य अघिल्लो दिन प्रतितोला ९८ हजार ४०० थियो।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला २० ले घटेर एक हजार २४५ कायम रहेको महासङ्घले जनाएको छ।