काठमाडौं, जेष्ठ २३ गते । साताको पहिलो कारोबारका दिन सेयर बजारमा दोहोरो अंकको गिरावट आएको छ।
सोमबार नेप्से परिसूचक १२/९२ अंकले घटेर २०६५.७८ विन्दुमा पुगेको छ।
आज २२८ कम्पनीको ४४ लाख ९ हजार ६९१ कित्ता सेयर १ अर्ब २७ करोड ३३ लाख ८५ हजार २२७ रुपैयाँमा कारोबार भयो। २५ हजार ९०८ पटक सेयर कारोबार भयो।
कारोबारमा आएका १३ समूहमध्ये ६ समूहको सूचक बढेको छ। ८ कम्पनीको सूचक ओरालो लाग्यो।
डेभलपमेन्ट बैंक, फाइनान्स, मनु एन्ड प्रो, अदर्श, माइक्रोफाइनान्स र म्युचुअल फन्डको सूचक सामान्य अंकले बढेको हो।
यसदिन दुईवटा कम्पनीको मूल्यमा सकारात्मक सर्किट लागेको छ भने दुईवटा कम्पनीको मूल्यमा नकारात्मक सर्किट लागेको छ। उपकार लघुवित्तीय वित्त र बलेफी हाइड्रोपावरको सेयर मूल्यमा सकारात्मक सर्किट लागेको हो।
हिमालयन बैंक र नेपाल इन्भेष्टमेन्ट बैंकको सेयर मूल्यमा नकारात्मक सर्किट लागेको हो।
कारोबार रकमका आधारमा एसियन लाइफ इन्सुरेन्स अग्रस्थानमा रह्यो। सो कम्पनीको ८ करोड २४ लाख ७७ हजार ३८७ रुपैयाँको सेयर कारोबार भयो।
प्रतिक्रिया