काठमाडौं, १९ मंसिर । नेपाली कांग्रेस बागमती प्रदेशको सभापतिमा संस्थापन पक्षका उम्मेदवार इन्द्रबहादुर बानियाँ निर्वाचित भएका छन्।
दोस्रो चरणको निर्वाचनमा संस्थापनइतर पक्षका उम्मेदवार जगदीश्वरनरसिंह केसीलाई पराजित गर्दै बानियाँ प्रदेश सभापतिमा निर्वाचित भएका हुन् ।
बानियाँले १ हजार ८५ मत प्राप्त गरेका छन् । केसीले ९ सय २७ मत पाएका छन् ।
यसअघि पहिलो चरणको निर्वाचनमा बानियाँले ९ सय ९२ र केसीले ८ सय ७२ मत ल्याएपछि आज दोस्रो चरणको मतदान भएको थियो ।
पहिलो चरणमा तेस्रो भएका उम्मेदवार भीमसेनदास प्रधानले बानियाँलाई समर्थन गरेका थिए ।
सभापति शेरबहादुर देउवानिकट बानियाँ बागमती प्रदेश संसदीय दलका नेतासमेत हुन् ।
प्रतिक्रिया