काठमाडौं – नेकपा एकीकृत समाजवादी संसदीय दलको नेतामा अध्यक्ष माधवकुमार नेपाल सर्वसम्मत चयन भएका छन् । संसद भवन नयाँ बानेश्वरमा आइतबार बसेको एकीकृत समाजवादी संसदीय दलको बैठकले अध्यक्ष नेपाललाई दलको नेता चयन गरेको हो ।
एकीकृत समाजवादीकी नेतृ तथा सांसद रामकुमारी झाँक्रीका अनुसार दलको नेतामा माधवकुमार नेपाल सर्वसम्मत चयन भएका हुन् । ‘नियमावली अुनसार अब अध्यक्ष माधवकुमार नेपालले नै दलको प्रमुख सचेतक र सचेतक तोक्नु हुनेछ,’ नेतृ झाँक्रीले भनिन् ।
नेकपा एमालेबाट अलग भएर नेता नेपालको अध्यक्षतामा गत भदौ ९ गते नेकपा एकीकृत समाजवादी पार्टी दर्ता भएको हो । नेता नेपालसँग ३० सांसद रहेका छन् ।
नेता नेपालको पार्टी चाँडै देउवा नेतृत्वको सरकारमा सहभागी हुने तयारीमा रहेको छ । साथै सरकारमा सहभागी हुने नेताहरूको सूची तयार पार्ने विषयमा पनि एकीकृत समाजवादीमा छलफल भइरहेको छ ।
रमेश खरेलकाे राजनीतिक यात्रा अब कसरी? (अन्तरवार्ता)
प्रतिक्रिया