काठमाडाैँ – जापान सरकारले कोभ्याक्स परियोजनामार्फत नेपाललाई अनुदानमा दिएको थप आठ लाख अष्ट्राजेनेका खोप शनिबार काठमाडौं आइपुग्ने भएको छ।
काठमाडौंस्थित जापानी राजदूतावासले दिएको जानकारीका अनुसार जापानबाट कुल १६ लाख १४ हजार ७४० डोज खोप नेपाल आउन लागेको हो।
त्योमध्ये आठ लाख डोज साउन २३ र २४ गते नेपाल आइपुगेको थियो। राजदूत किकुता युताकाले यो खोप अनुदान नेपाल-जापान मित्रताको प्रतीक भएको बताएका छन्।
यो खोप कोभिसिल्डको पहिलो मात्रा लगाएर बसिरहेका जेष्ठ नागरिकहरूलाई दिने स्वास्थ्य तथा जनसंख्या मन्त्रालयले जनाएको छ।
प्रतिक्रिया