अष्ट्रेलियासँगको खेलमा नेपाल १० खेलाडीमा सीमित, कसलाई दिइयो रातोकार्ड? नेपाल ३ गोलले पछि


काठमाडौं – विश्वकप तथा एशियन कप छनोटको खेल अन्तर्गत नेपाल र अष्ट्रेलियाबीचको खेल जारी छ। पहिलो हाफमा अष्ट्रेलिया ३–० गोलको अग्रतामा छ।

पहिलो हाफको अन्त्यतिर रोहित चन्द रातोकार्ड खाएर मैदानबाट बाहिरिएका छन्। जसका कारण नेपाल १० खेलाडीमा सीमित भएको हो।

खेलको ४४औं मिनेटमा रोहित चन्दले रातोकार्ड पाएका हुन्। मार्टिन बोएललाई पेनाल्टी क्षेत्र बाहिर वन भर्सेस वनको स्थितिमा अघि बढेको अवस्थामा फल गरेका चन्दलाई रेफ्रीले रातोकार्ड देखाएका हुन्।

खेलको छैटौं मिनेटमा नै अष्ट्रेलियाले अग्रता लिएको हो। कप्तान म्याथ्यू लेकीले हेडरमार्फत गोल गरे।

३७औं मिनेटमा अष्ट्रेलियाले अग्रता दोब्बर पारेको थियो। फ्रान कारासिचले दोश्रो गोल गरेका हुन्।

दोश्रो हाफमा नेपाल ३ गोलले पछि परेको हो।

प्रतिक्रिया दिनुहोस्
%d bloggers like this: