Logo

समाचार

चीनले दिएको कोरोना भ्याक्सिन लिन नेपाल वायुसेवाको विमानको चार्टर्ड विमान बेइजिङ जाँदै


१७ जेष्ठ २०७८, सोमबार


काठमाडौं – नेपाल एयरलाइन्सको चार्टर विमान आज बेइजिङ जाने भएको छ।

नेपाल वायु सेवाका महाप्रबन्धक डिमप्रकाश पौडेलका अनुसार चिनियाँ राष्ट्रपति सी चिनफिङले सहयोगको खोप लिन विमान बेइजिङ उड्न लागेको हो।

चीनले दिन लागेको खोप लिन विमान सोमबार बेइजिङ जान लागेको उनले बताए। ‘तौल बढी नभएको खण्डमा ८ लाख डोज खोप ल्याउने तयारी गरिएको छ,’ पौडेलले भने।

विमानस्थलको उडान तालिका अनुसार राति ११ बजे बेइजिङको लागि उड्ने उक्त विमान मंगलबार दिउँसो साढे २ बजे खोप लिएर फर्किने छ।

जेठ १० गते बुधबार राष्ट्रपति विद्यादेवी भण्डारी एवं अन्य विभिन्न राजनीतिक दलका प्रतिनिधिसँगको संयुक्त छलफलमा चिनियाँ राष्ट्रपति सीले नेपाललाई १० लाख डोज खोप दिने घोषणा गरेका थिए।

जसमध्ये मंगलबार ८ लाख डोज खोप नेपाल एयरलाइन्सले ल्याउने तयारी गरेको प्रधानमन्त्री तथा मन्त्रिपरिषद्को कार्यालयले जानकारी दिएको हो।

चीनले नेपाललाई थप १० लाख डोज कोरोना खोप अनुदानमै दिने घाेषणा गरेकाे हाे। काठमाडौंस्थित चिनियाँ राजदूत होउ यान्छीका अनुसार चिनियाँ राष्ट्रपति सी चिनफिङले बुधबार दिउँसो थप १० लाख खोप दिने घोषणा गरेका हुन्।

राष्ट्रपति विद्यादेवी भण्डारीसँग टेलिफोन कुराकानी गरेपछि चिनियाँ राष्ट्रपति सीले खोप दिने घोषणा गरेका हुन्। राष्ट्रपति भण्डारीले बुधबार दिउँसो चिनियाँ समकक्षी सीसँग ४५ मिनेट टेलिफोन वार्ता गरेकी थिइन्।

चीनले यसअघि नेपाललाई ८ लाख डोज कोरोनाविरुद्धको खोप अनुदान दिएको थियो।

भण्डारी र सीबीचको वार्ताका क्रममा राष्ट्रपति भण्डारी नेपाल सबै नेपालीलाई पुग्ने खोप चीनबाट किन्न इच्छुक रहेको बताइन्। त्यसका लागि पहल गरिदिन उनले अनुरोध गरेकी थिइन्।

राष्ट्रपति भण्डारीका सञ्चार विज्ञ टीका ढकालले राष्ट्रपति सीले मित्र राष्ट्र नेपाललाई सहयोग गर्न आफूले पहल गर्ने बताएको जानकारी गराएका थिए।

दुई देशका राष्ट्रपतिबीच कुराकानी गराउनकै लागि दुवै देशका परराष्ट्र मन्त्रालय केही दिनयता तयारीमा लागेका थिए।

सञ्चार विज्ञ ढकालका अनुसार राष्ट्राध्यक्षको तहमा कुराकानी हुँदा सरकार र कूटनीतिक नियोगलाई पनि काम गर्न सजिलो हुने भएकाले राष्ट्रपति भण्डारीले दुवै देशका समकक्षीलाई खोपका लागि अनुरोध गरेकी हुन्।

मंगलबार भारतीय समकक्षीलाई पठाएको पत्रमा राष्ट्रपति भण्डारीले भारतले यसअघि अनुदानमा दिएको खोपका लागि भारत र भारतीय जनतालाई धन्यवाद दिएकी थिइन्।

ढकालले कोरोना दोस्रो लहरले नेपाललाई पनि आक्रान्त बनाएको र यसलाई रोक्ने प्रभावकारी उपाय खोप नै भएकाले खोप उपलब्ध गराउने पहलका लागि कूटनीतिक माध्यमबाट पत्राचार गरी राष्ट्रपतिले आग्रह गरेको उल्लेख गरेका छन्।

नेपाल सरकारले खोप किन्नका लागि मार्चमा रकम तिरिसकेको छ। राष्ट्रपतिले त्यही खोप र थप खोप पठाउने पहल गरिदिन आग्रह गरेकी हुन्।

भारतले यसअघि १० लाख खोप अनुदान दिएको थियो। त्यसपछि नेपालले २० लाख खोप किन्नका लागि भारतलाई रकम उपलब्ध गराएको थियो। त्योमध्ये १० लाख खोप आएको छ। बाँकी १० लाख आएको छैन।

प्रचण्डलाई प्रा.डा. केसीकाे प्रश्न– तपाईकाे बास भ्रष्ट ठेकेदारकै घरमा किन?

प्रकाशित : १७ जेष्ठ २०७८, सोमबार

} ?>

सूचना विभाग दर्ता नं.

८५८-२०७५/७६

सम्पर्क

ट्राफिक चोक, बुटवल उ.म.न.पा. ८ जीतपुर, वाणगंगा न.पा. ४
+९७७ ९८५७०५०९७० / +९७७ ५९ ५२४२२०
[email protected] [email protected]

हाम्रो समूह

  • सम्पादक
    यादव थपलिया ९८४१३८९००६
  • कार्यकारी सम्पादक
    अतीत अधिकारी
  • संवाददाता
    प्रकाशमणि राउत प्रल्हाद चौहान
  • अध्यक्ष
    तीर्थमणि अधिकारी
  • प्रबन्ध सम्पादक
    शान्तिराम नेपाल
%d bloggers like this: