Logo

मनोरञ्जन

‘ग्लोबल एनआरएन सिंगिङ आइडलले प्रवासी नेपालीहरूमा आफ्नै मौलिकता फर्काउन मद्दत गर्नेछ’


१४ बैशाख २०७८, मंगलबार


काठमाडौं, १४ वैशाख – गैरआवसीय नेपाली संघ (एनआरएनए) का उपाध्यक्ष डा. बद्री केसीले ग्लोबल एनआरएन सिंगिङ आइडल–२०२१ को अवधारणा एकदमै उत्कृष्ट रहेको बताएका छन् । ग्लोबल एनआरएन सिंगिङ आइडलसम्बन्धी भएको छलफलमा उपाध्यक्ष केसीले यस प्रतियोगिताले संसारभर छरिएर रहेका नेपालीहरूलाई आकर्षित गरेको बताएका हुन् ।

‘नेपाली गीत–संगीतको संरक्षण गर्न यो सिंगिङ आइडलले महत्त्वपूर्ण भूमिका खेल्नेमा म विश्वस्त छु, यसमा धेरै देशमा रहेका नेपालीहरूले भाग लिँदै छन्,’ उनले भने, ‘धेरैले भाग लिन पाइयोस् भनेर निवेदन पनि गरिरहनुभएको छ, यो प्रतियोगिता एकदमै भव्य र सफल हुनेछ ।’

त्यस्तै, उपाध्यक्ष केसीले विदेशमा रहेका दोस्रो पुस्ताका नेपालीहरूले आफ्नो भाषा, कला, संस्कृति र संगीत बिर्सिने अवस्था सिर्जना भइरहेका बेला यस्तो कार्यक्रमको आयोजना गरिनु निकै महत्त्वपूर्ण कर्म भएको धारणा राखे ।

‘अधिकांश नेपालीले विदेशमा बस्दा नेपाली भाषा नभएर अन्य भाषाको प्रयोग गर्छन्, हाम्रा सन्ततिहरूले हाम्रो भाषा बिर्सिन सक्ने अवस्था छ, हाम्रा गीत–संगीत र मौलिकपन बिर्सिने अवस्था छ,’ उपाध्यक्ष केसीले भने, ‘यस्ता सांगीतिक कार्यक्रमले प्रवासी नेपालीहरूमा आफ्नै मौलिकता फर्काउन मद्दत गर्नेछ ।,

गैरआवासीय नेपाली संघ मध्यपूर्व युवा विभागले आयोजना गरेको ग्लोबल एनआरएन सिंगिङ आइडलले देश बाहिर बस्ने नेपालीलाई संगीतमा लाग्न थप प्रेरणा प्रदान गर्ने विश्वास उपाध्यक्ष केसीले लिएका छन् । ‘एनआरएन सिंगिङ आइडल प्रवासमा नेपाली संगीत जोगाउन कोशेढुङ्गा साबित हुनेमा म ढुक्क छु,’ उनले भने ।

उपाध्यक्ष केसीले सिंगिङ आइडलको आयोजना सराहनीय काम भएको बताउँदै त्यसका लागि आवश्यक सहयोग गर्न एनआरएनए केन्द्र तत्पर रहेको पनि उल्लेख गरे । ‘सिंगिङ आइडलका लागि केन्द्रबाट चाहिने हरेक सहयोग हुनेछ,’ उनले भने, ‘यस प्रतियोगिताको आयोजना गरेकोमा म गैरआवसीय नेपाली संघ मध्यपूर्व युवा विभागका संयोजक राज रेग्मीलयायत आयोटक टोलीलाई बधाई तथा धन्यवाद दिन चाहन्छु ।’

रमेश खरेल अब राजनीतिमा ? (अन्तरवार्ता)

प्रकाशित : १४ बैशाख २०७८, मंगलबार

} ?>

सूचना विभाग दर्ता नं.

८५८-२०७५/७६

सम्पर्क

ट्राफिक चोक, बुटवल उ.म.न.पा. ८ जीतपुर, वाणगंगा न.पा. ४
+९७७ ९८५७०५०९७० / +९७७ ५९ ५२४२२०
[email protected] [email protected]

हाम्रो समूह

  • सम्पादक
    यादव थपलिया ९८४१३८९००६
  • कार्यकारी सम्पादक
    अतीत अधिकारी
  • संवाददाता
    प्रकाशमणि राउत प्रल्हाद चौहान
  • अध्यक्ष
    तीर्थमणि अधिकारी
  • प्रबन्ध सम्पादक
    शान्तिराम नेपाल
%d bloggers like this: