नेपालमा पछिल्लो २४ घण्टामा २ हजार ५ सय ८ जनामा कोरोना भाइरसको संक्रमण पुष्टि भएको छ। पछिल्लो तथ्यांकअनुसार देशभर कुल संक्रमितको संख्या १ लाख ७० हजार ७ सय ४३ पुगेको छ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ९ हजार २ सय ७९ पिसिआर परीक्षण गर्दा ९ सय ७६ महिलासहित २ हजार ५ सय ८ जनालाई कोरोना पुष्टि भएको हो।
मन्त्रालयका अनुसार १ लाख ३१ हजार २ सय २२ जना संक्रमणमुक्त भएका छन्। सक्रिय संक्रमितको संख्या ३८ हजार ५ सय ८४ रहेको छ।
मन्त्रालयले ३१ हजार ८ जना होम आइसोलेसनमा रहेको जानकारी दिएको छ। २ सय ९६ जना आइसियू र ६९ जना भेन्टिलेटरमा उपचार भइरहेको छ ।
यसैबीच, पछिल्लो तथ्यांकअनुसार काठमाडौंका १ हजार १ सय १३, ललितपुरका १ सय ९५ र भक्तपुरका ४९ जनालाई कोरोना संक्रमित भएको छ।
प्रतिक्रिया