काठमाडौं, २० भदौ – नेपालमा कोरोना संक्रमणबाट पछिल्लो २४ घण्टामा थप ९ जनाको मृत्यु भएको छ।
मृत्यु हुनेमा तीन महिला र ६ जना पुरुष रहेको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले जानकारी दिए।
गौतमका अनुसार काठमाडौंका ४१, ५९ र ६५ वर्षीय पुरुषको मृत्यु भएको हो। त्यस्तै, पर्साका ७५ वर्षीय, महोत्तरीका ७८ वर्षीय र रुपन्देहीका ४० वर्षीय पुरुषको निधन भएको हो।
अन्य मृत्यु हुनेमा मोरङकी ४३ वर्षीया, मकवानपुरकी ५२ वर्षीया र नवलपरासीकी ३७ वर्षीया महिला छन्।
डा. गौतमले शनिबारसम्म कोरोना संक्रमणबाट मृत्यु हुनेको संख्या दुई सय ८० पुगेको जानकारी दिए।
प्रतिक्रिया