काठमाडौं, १५ भदौ – काठमाडौं महानगरपालिकाका मेयर विद्यासुन्दर शाक्यलाई कोरोना भाइरसको संक्रमण पुष्टि भएको छ।
परीक्षणका लागि शनिबार स्वाब संकलन गरिएका शाक्यलाई कोरोना भाइरसको संक्रण पुष्टि भएको हो। मेयरको सचिवालयले शाक्यलाई कोरोना पुष्टि भएको जानकारी दिएको हो।
शाक्यकी श्रीमतीको पनि परीक्षणका लागि स्वाब संकलन गरिएको थियो। तर, उनकी श्रीमतीमा कोरोना भाइरसको संक्रमण नदेखिएको सचिवालयले बताएको छ।
शाक्य अहिले घरमै आइसोलेसनमा बसेका छन्। उनलाई कुनै पनि किसिमको स्वास्थ्य समस्या नदेखिएको सचिवालयले जानकारी दिएको छ।
प्रतिक्रिया