Logo

समाचार

भदौ मसान्तसम्म लामो तथा छोटो दुरीका सवारीसाधन सञ्चालन नगर्ने सरकारको निर्णय


१४ भाद्र २०७७, आइतबार


काठमाडौं, १४ भदौ – सरकारले भदौ मसान्तसम्म लामो र छोटो दुरीका सवारीसाधन सञ्चालन नगर्ने निर्णय गरेको छ।

मन्त्रिपरिषदको आइतबारको बैठकले लामो तथा छोटो दुरीका सवारीसाधन भदौ मसान्तदेखि सञ्चालन गर्ने विषयमा अवस्था हेरेर निर्णयमा पुग्ने निष्कर्ष पनि निकालेकाे हाे।

एक मन्त्रीका अनुसार भदाै मसान्तसम्म सवारीसाधन नचलाउने निर्णय यथावत छ। यसअघि सरकारले भदौ १६ गतेदेखि लामो तथा छोटो दुरीका सवारीसाधन चलाउने निर्णय गरेको थियो।

कोरोना संक्रमण बढ्दै गएकाले काठमाडौं उपत्यकासहित देशका अधिकांश शहरमा निषेधाज्ञा जारी गरिएको छ।

लकडाउन शुरु भएको साढे ३ महिनापछि सरकारले गत असार २६ गतेदेखि छोटो दुरीका सवारीसाधन सञ्चालन गर्ने निर्णय गरेको थियो।

यद्यपि, आफ्ना माग सम्बोधन नभएको यातायात व्यवसायीले तत्काल सेवा सञ्चालन गर्न अस्वीकार गरेका थिए।

माग सम्बोधन भएपछि उनीहरूले साउन ७ गतेदेखि यातायात सञ्चालन गर्न सहमति गरेका थिए। सरकारले लामो दुरीका सवारी सञ्चालनमा भदौ १ गतेसम्म रोक लगाएको थियो।

साउन ६ गते लकडाउन अन्त्य भयो। तर, लकडाउनपछि काठमाडौंसहित देशभर कोरोना संक्रमित बढे। सरकारले लामो दुरीका सवारीसाधन भदौ १५ गतेसम्म रोक लगाएको थियो।

प्रकाशित : १४ भाद्र २०७७, आइतबार

} ?>

सूचना विभाग दर्ता नं.

८५८-२०७५/७६

सम्पर्क

ट्राफिक चोक, बुटवल उ.म.न.पा. ८ जीतपुर, वाणगंगा न.पा. ४
+९७७ ९८५७०५०९७० / +९७७ ५९ ५२४२२०
[email protected] [email protected]

हाम्रो समूह

  • सम्पादक
    यादव थपलिया ९८४१३८९००६
  • कार्यकारी सम्पादक
    अतीत अधिकारी
  • संवाददाता
    प्रकाशमणि राउत प्रल्हाद चौहान
  • अध्यक्ष
    तीर्थमणि अधिकारी
  • प्रबन्ध सम्पादक
    शान्तिराम नेपाल
%d bloggers like this: