पछिल्लो २४ घण्टामा थपिए १ हजार १ सय ११ कोरोना संक्रमित

काठमाडौं, ११ भदौ – बिहीबार देशभर १ हजार १ सय ११ कोरोना संक्रमित थपिएका छन्। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा सो संख्याका संक्रमित थपिएका हुन्।

यससँगै नेपालमा कुल संक्रमितहरुको संख्या ३५ हजार ५२९ पुगेको छ।

नेपालमा कोरोनाभाइरस संक्रमणबाट निको हुनेको संख्या २० हजार ७३ पुगेको छ। पछिल्लो २४ घण्टामा ५६९ जना डिस्चार्ज भएका छन्।