काठमाडौं, ९ साउन – नेपाली कांग्रेसका नेता मीनबहादुर विश्वकर्माले संविधानका संरक्षकहरूबाट संविधानमाथि खतरा उत्पन्न भएको बताएका छन्।
राष्ट्रपति विद्यादेवी भण्डारी र प्रधानमन्त्री केपी शर्मा ओलीतर्फ संकेत गर्दै विश्वकर्माले संविधान संरक्षकहरूबाट संविधानमाथि खतरा उत्पन्न भएको बताएका हुन्।
पार्टी विभाजन गर्न रातारात विधेयक ल्याउने सरकारले महिला, मुश्लिम, मधेशी, दलितको अधिकारका लागि कानुन निर्माणमा सरकारले ढिलाई गरेको टिप्पणी गर्दै विश्वकर्माले सरकारको आलोचना गरेका छन्।
साथै रुकुम घटनामा ज्यान गुमाएका नवराज विकसहितका युवाको हत्यामा संलग्नलाई कानुनी कारबाहीको माग गर्दै नेता विश्वकर्माले सरकारले अभियुक्तलाई संरक्षण गर्न खोजे आन्दोलन सशक्त बनाउने बताएका छन्।
ओली नेतृत्वको सरकारले राज्य आतंक शुरु गरेका कांग्रेस नेता विश्वकर्माले सत्तारुढ दलका नेताहरूको कार्यशैली र अभिव्यक्तिको कडा शब्दमा आलोचना गरेका छन्।
प्रतिक्रिया