काठमाडाैँ, १ वैशाख – नेपाली कांग्रेसका युवा नेता तथा नेपाल तरूण दलका महासचिव भुपेन्द्रजङ्ग शाहीले कालिकोट जिल्ला पचालझरना गाउपालिका–३ घर भएकी एक महिलालाई खाद्यान्न र नगद प्रदान गरेका छन्।
सुत्केरी लालसरा परियार, उनका श्रीमान् हंश परियार र छोराछोरीका लागि नेता शाहीले आवश्यक खाद्यान्न र नगद प्रदान गरेका हुन्।
सुत्केरीका परिवार लाई लकडाउन भरी आवश्यक पर्ने सम्पूर्ण खाद्यान्नको प्रबन्ध आफूले गरिदिने शाहीले बताएका छन्। साथै लकडाउनका कारणले समस्यामा परेका अन्य परिवारहरुलाई पनि आफूले सक्दो सहयोग गर्ने शाहीले बताए।
लालसरालाई सुत्केरी व्यथाले च्यापेपछि चैत्र १० गते काठमाडौं आएकी थिइन्। काठमाडौंमा प्रसुति गराइयो। छोरी जन्माइन्। तर, ११ गतेबाट शुरू लकडाउनका उनीहरुको विचल्ली भयो।
कालिकोट फर्किन नपाएपछि उनीहरुले नेता शाहीलाई सहयोग मागेका थिए। ‘मेरा जिल्लाबासीलाई मैले सहयोग गर्नैपर्छ, त्यो मेरो दायित्व हो,’ शाहीले भने, ‘यो प्रयास अझै निरन्तर रहन्छ।’
प्रतिक्रिया