Logo

राजनीति

भ्रष्टाचारको जालो तोड्न र सरकारलाई जनउत्तरदायी बनाउन अब सशक्त खबरदारीः कांग्रेस नेतृ यादव


२० फाल्गुन २०७६, मंगलबार


काठमाडौं, २० फागुन – नेपाली कांग्रेसकी नेतृ मुक्ताकुमारी यादवले सरकारका हरेक गतिविधिमाथि अझै सशक्त खबरदारी जारी रहने बताएकी छिन्।

राष्ट्रियसभा सदस्यबाट मंगलबार बिदा भएकी नेतृ यादवले सदनमा नभए पनि बाहिरबाटै सरकारका हरेक निर्णयमाथि नजर राख्ने बताएकी हुन्।

‘अहिलेसम्म राष्ट्रियसभामा थियौं, सदनबाट सरकारका गतिविधिमाथि खबरदारी गरिरहेका थियौं, तर दुई वर्षको अवधि पूरा भएर बाहिरिँदै गर्दा हामीलाई राष्ट्र र जनताप्रति सरकारलाई अझ जिम्मेवार बनाउनु पर्ने दायित्व आएको छ,’ यादवले भनिन्।

संघीय सरकार, प्रदेश सरकार र स्थानीय सरकारहरू भ्रष्टाचारका गतिविधिमा लिप्त हुँदै जानुले मुलुकमा जटिल संकट पैदा भएको धारणा नेतृ यादवको छ।

‘भ्रष्टाचारको जालो तोड्नका लागि पनि अब हामीले काम गर्नुपर्छ, सरकारी संयन्त्रलाई जनताप्रति उत्तरदायी बनाउनु र जनतालाई आफ्ना अधिकारप्रति सजग बनाउनु नै हाम्रो मिशन हो,’ यादवले भनिन्।

राष्ट्रियसभामा के भनिन् नेतृ यादवले?

बिदा हुनुअघि राष्ट्रियसभामा आफ्नो धारणा राख्दै नेतृ यादवले दुई वर्षसम्म उत्साहका साथ काम गर्न पाएका खुशी व्यक्त गरिन्।

‘मैले पाएको जिम्मेवारी उत्साहका साथ सम्पन्न गरेकी छु, त्यसमा म अत्यन्तै खुशी छु, मलाई गर्व लागेको छ, केही काम अधुरै रह्यो, त्यो काम पूरा गर्न राष्ट्रियसभा सदस्यहरू समक्ष हुनुहुने विश्वास मैले लिएकी छु,’ उनले भनिन्।

राष्ट्रका लागि आफ्नो ठाउँमा योगदान दिन सबै विकल्पहरूमा काम गर्ने प्रतिवद्धता व्यक्त गर्दै नेतृ यादवले अब जनताका बीचमा गएर काम गर्ने उल्लेख गरिन्।

‘सांसदहरू राजनीतिज्ञहरू हुन्, राजनीतिज्ञ कहिले सदनमा हुन्छन्, कहिले सडकमा हुन्छन्, कहिले जनताका बीचमा बसेर संघर्ष गर्छन्,’ यादवले भनिन्, ‘मेरो संघर्ष पनि अब जनताका पक्षमा जनताकै बीचबाट अघि बढ्ने छ।’

प्रकाशित : २० फाल्गुन २०७६, मंगलबार

} ?>

सूचना विभाग दर्ता नं.

८५८-२०७५/७६

सम्पर्क

ट्राफिक चोक, बुटवल उ.म.न.पा. ८ जीतपुर, वाणगंगा न.पा. ४
+९७७ ९८५७०५०९७० / +९७७ ५९ ५२४२२०
[email protected] [email protected]

हाम्रो समूह

  • सम्पादक
    यादव थपलिया ९८४१३८९००६
  • कार्यकारी सम्पादक
    अतीत अधिकारी
  • संवाददाता
    प्रकाशमणि राउत प्रल्हाद चौहान
  • अध्यक्ष
    तीर्थमणि अधिकारी
  • प्रबन्ध सम्पादक
    शान्तिराम नेपाल
%d bloggers like this: