Logo

पत्र-पत्रिका

सेतो रगत


१६ कार्तिक २०७६, शनिबार


भारती न्यौपाने


आमा!
किन खोस्छन् मानिसहरू मेरो शरीरमा बगिरहने रातो रगत?
रातो घाँघरमा सजाएर पुतली झैँ
तिमीले रङ्गाएकी हौ पहिलो पटक मेरो सहर।
गुलाबी रङसँगसँगै हुर्किएको मेरो जवानी त तिम्रो उपहार हो आमा!
रङ्गीन संसार चिनाउने तिम्रा रहरहरूसँगै म भएर बाँच्न सिकेकी हुँ।
तर,
किन? मानिसहरू मलाई
मेरै मझेरीमा सेताम्य हुने गरी
नङ्ग्याउँछन् आमा!

तिमीले बगाएका
रगतका छिर्काहरू राता थिए?
हो आमा! तिमीले प्रेम र स्नेहले भरेको मेरो उहिल्यैको रगत रातो थियो।
अहिले,
सबै खोस्दै छन् मेरा रक्तिम प्रवाहहरू तर पनि
रातो रगत मुटु हुँदै नशामा बगिरहन्छ।

आमा!
मेरो शरीर रातो रगतले बनेको छ।
राता र गुलाबी रङहरू प्रकृति आफैँ फुलाउँछिन्
आमा!
मेरो शरीरको रातो रगत ज्वालामुखी झैँ रक्तिम छ ।
हो आमा!
म रक्तिम झण्डामा मेरा रगतका रङ्गीन बुट्टा भरेर
समाज परिवर्तनको लहरमा निस्कने छु।

अब,
एउटा कर्म तिमीले गर्नु पर्छ आमा!
तिमीभित्रको रातो रगतलाई निष्कलङ्क रातो छ भन्नुपर्छ।
अनि,
तिम्रा हरेक छोरीहरूको मुटुमा रातो रगत बग्ने छ ।
हो आमा! सामर्थ्य छ भने तिमीसित, ज्वाला लिएर निस्क अनि पखालिदेऊ तिमी
सेतो रगत अब कतै निशानी नरहने गरी।

हात्तीवन ललितपुर

प्रकाशित : १६ कार्तिक २०७६, शनिबार

} ?>

सूचना विभाग दर्ता नं.

८५८-२०७५/७६

सम्पर्क

ट्राफिक चोक, बुटवल उ.म.न.पा. ८ जीतपुर, वाणगंगा न.पा. ४
+९७७ ९८५७०५०९७० / +९७७ ५९ ५२४२२०
[email protected] [email protected]

हाम्रो समूह

  • सम्पादक
    यादव थपलिया ९८४१३८९००६
  • कार्यकारी सम्पादक
    अतीत अधिकारी
  • संवाददाता
    प्रकाशमणि राउत प्रल्हाद चौहान
  • अध्यक्ष
    तीर्थमणि अधिकारी
  • प्रबन्ध सम्पादक
    शान्तिराम नेपाल
%d bloggers like this: