काठमाडौं, असार २३ गते । निर्वाचन आयोगका पूर्व प्रमुख भोजराज पोखरेलले पछिल्लो समय आयोगले तोकेको निर्वाचन खर्चको सीमाको विषयमा प्रश्न उठाएका छन् ।
काठमाडौंमा आयोजित ‘आर्थिक सुशासन र निर्वाचन’ विषयक अन्तरक्रिया कार्यक्रममा पोखरेलले गर्ने विषय कार्यान्वयन चुनौतीपूर्ण रहेको बताएका हुन् । उनले खर्चको सीमा निर्धारण गर्ने विषय कार्यान्वयन चुनौतीपूर्ण रहेको बताएका हुन् ।
पोखरेलले अहिलेका निर्वाचन निकै खर्चिला हुँदै गएको बताए । उनले मापदण्डअनुसार काम नहुँदा समस्या भएको बताए ।
‘उम्मेदवारको खर्च तीव्र गतिमा बढेको छ, आयोगको एउटा मापदण्ड छ, मापदण्ड एकातिर छ उम्मेदवारको खर्च अर्कातिर छ, कि आयोगले उम्मेदवारको खर्च नियन्त्रण गर्न सक्नुपर्यो कि यो खर्च सीमा हटाउनु पर्यो, नत्र त यो हाँस्यापद मात्र भयो,’ उनले भने ।
कार्यक्रममा नीति अध्ययन प्रतिष्ठानका कार्यकारी अध्यक्ष डा. विष्णुराज उप्रेती, नेपाल बार एशोसिएशनका अध्यक्ष तथा वरिष्ठ अधिवक्ता गोपालकृष्ण घिमिरे, वरिष्ठ अनुसन्धानकर्ता डा. मुक्तिराम रिजाल लगायतले ‘आर्थिक सुशासन र निर्वाचन’ विषयमा धारणा राखेका छन् ।
प्रतिक्रिया