काठमाडौं, २१ जेठ – नेपालले चाइनिज ताइपेइलाई २–० को जीत दर्ता गरेको छ। फिफा विश्वकप–२०२२ तथा एशियन कप २०२३ को छनोट अन्तर्गत समूह चरणको छैटौं खेलमा नेपालले चाइनिज ताइपेईमाथि सहज जीत हासिल गरेको हो।
नेपालका लागि अञ्जन बिष्ट र नवयुग श्रेष्ठले १–१ गोल गरेका हुन्। नेपालले खेलको तेश्रो मिनेटमा नै पेनाल्टी प्राप्त गरेको हो। पेनाल्टीमा अञ्जन बिष्टले गोल गरेर नेपाललाई १–० ले अगाडि बनाए।
नेपालका तर्फबाट खेलको ८१औं मिनेटमा नवयुग श्रेष्ठले एक गोल थपेर नेपाललाई शानदार जीततर्फ अघि बढाएका हुन्। चाइनिज ताइपेईविरुद्धको जीतसँगै नेपाल विश्वकप छनोटको समूह चरणमा चौथो स्थानमा रहने भएको छ।
प्रतिक्रिया