काठमाडौं, ३ जेठ – प्रधानमन्त्री केपी शर्मा ओलीको पद तथा गोपनीयताको शपथ बदर हुनुपर्ने माग गर्दै सर्वोच्च अदालतमा चार वटा रिट निवेदन दायर गरिएको छ।
वरिष्ठ अधिवक्ता चन्द्रकान्त ज्ञवाली, अधिवक्ता राजकुमार सुवाल, अधिवक्ता सन्तोष भण्डारी र अधिवक्ता नवराज अधिकारीसहितका अभिवक्ताले सर्वोच्च अदालतमा सोमबार छुट्टाछुट्टै रिट निवेदन दर्ता गराएका हुन्।
प्रधानमन्त्री ओलीले वाचन गरेको शपथ राष्ट्रपतिले वाचन गरेको शपथभन्दा फरक परेको उल्लेख गर्दै रिटमा शपथ बदर गराउन माग गरिएको छ।
रिटमा उक्त शपथ बदर गराएर फेरि शपथ गराउन र फेरि शपथ नगरी कामकाज गर्न नदिन आदेश माग गरिएको सर्वोच्च अदालतका सहप्रवक्ता देवेन्द्र ढकालले जानकारी दिएका हुन्।
गत वैशाख ३१ गते पद तथा गोपनीयताको शपथग्रहण गर्दा राष्ट्रपति विद्यादेवी भण्डारीले ‘प्रतिज्ञा गर्दछु’ भन्ने शब्द दुई पटक उच्चारण गर्दा पनि ओलील ‘त्यो पर्दैन’ भनेका थिए।
प्रतिक्रिया