काठमाडौं, २७ भदौ – नेपालमा पछिल्लो २४ घण्टामा १२ सय १ जना कोरोना भाइरस (कोभिड-१९) को संक्रमित थपिएका छन्। देशभरका प्रयोगशालामा गरिएको १० हजार १७६ नमुना परीक्षणमा ४१६ महिला र ७८५ पुरुषमा संक्रमण पुष्टि भएको हो।
स्वास्थ्य तथा जनसंख्या मन्त्रालयको नियमित प्रेस ब्रिफिङका क्रममा शनिबार मन्त्रालयका प्रवक्ता डा. जागेश्वर गौतमका अनुसार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या ५३ हजार १ सय २० पुगेको छ।
यससँगै कुल संक्रमितको संख्या ५३ हजार १२० पुगेको छ। भने उनीहरूमध्ये ३३६ जनाको मृत्यु भएको छ। त्यस्तै, ३७ हजार ५२४ जना संक्रमणमुक्त भएका छन्।
मन्त्रालयका प्रवक्ता डा. गौतमका अनुसार पछिल्लो २४ घण्टामा ८५२ जना डिस्चार्ज भएका छन्।
प्रतिक्रिया