कोरोना संक्रमणबाट कपिलवस्तुकी ६० वर्षीया महिलाको मृत्यु

काठमाडौं, १७ भदौ – बुटवलस्थित लुम्बिनी प्रादेशिक अस्पतालमा उपचाररत कोरोना संक्रमित ६० वर्षीया महिलाको बुधबार मृत्यु भएको छ।

भदौ ७ गते कोरोना पुष्टि भएपछि कपिलवस्तु नगरपालिकाका– ११ की महिलालाई कोरोना विशेष अस्थायी अस्पताल बुटवलमा भर्ना गरिएको थियो।

उच्च रक्तचापको बिरामी रहेकी उनमा श्वासप्रश्वासको पनि समस्या रहेको अस्पतालले जनाएको छ।

कोरोना संक्रमण पुष्टि भएपछि उनलाई सघन उपचार कक्षमा राखेर उपचार गर्दागर्दै उनको मृत्यु भएको अस्पतालले जनाएको छ।