लिस्वन, ६ भदौ – पोर्चुगलका राष्ट्रपति मार्सेलो रेबेलो डे सुसाले समुन्द्रमा डुबिरहेका दुई महिलाको उद्धार गरेका छन्।
स्थानीय काउन्सिलको एक कार्यक्रममा भाग लिन अल्गार्भ पुगेका मार्सेलोले अल्भोरको समुद्री किनारबाट महिलाहरुको उद्धार गरेका हुन्।
समुन्द्रमा कायकमा सयर गरिरहेका दुवै महिलालाई समुन्द्री छालले कायक पल्टाइदिएपछि उनीहरू समुन्द्री छालबाट उम्किन निकै संघर्ष गरिरहेका थिए।
कायक ढल्किएको देख्नेबित्तिकै सोही स्थानमा रहेका राष्ट्रपति मार्सेलोले आफै समुद्री छालमा हाम फालेर पौडिँदै दुवै महिलाको उद्दार गरेका हुन्।
एसआइसीले खिचेको भिडियोले राष्ट्रपतिलाई पौडी खेलेको देखियो जहाँ अर्को व्यक्तिले जेट स्कीमा लाइफगार्ड अघि महिलालाई सहयोग पुर्याउन खोजिरहेका थिए।
राष्ट्रपति मार्सेलोले भने, ‘ती महिलाहरू अर्को समुद्र तटबाट आएका थिए। उनीहरूले धेरै पानी निलेका थिए। भाग्यवश दुवै युवतीलाई सहयोग गर्न सफल भयौं।’
प्रतिक्रिया