काठमाडाैं, २० असार – तराई मधेश राष्ट्रिय परिषद (टीएमएनसी) सभाको संयोजकमा अधिवक्ता विकासकुमार ठाकुर चयन भएका छन्।
टीएमएनसीको कार्यालय महादेवस्थानमा बसेको बैठकले सभासदस्य अधिवक्ता ठाकुरलाई संयोजकमा चयन गरेको हो।
साथै सचिव एवम् प्रवक्तामा प्रमोद कुशवाहा तथा प्रचार विभागमा गुरुशरण सिंह (आभाष गुरू) ले जिम्मेवारी पाएको छ।
टीएमएनसीको संगठनात्मक संरचना तीनवटा भ्रातृ संगठनमा क्रियाशील बनाउने र जिम्मेवारी बाँडफाँड गर्ने हिसावले तय भएको छ।
हाल पोलिटिकल विंग क्रियाशील बनाउनका लागि संयोजकको भूमिकामा रहेका सीएन थारूलाई पोलिटिकल विंगमा जिम्मेवारी दिनेगरी सर्वसम्मत निर्णय गरिएको छ।
तराई मधेश राष्ट्रिय परिषदको प्रथम राष्ट्रिय भेला २०७६ चैत्र २८ र २९ गते सम्पन्न गरेर आफ्नो वैचारिक धार किटान गर्ने लक्ष्यसहित तयारीमा जुटेको हो।
कोरोना प्रकोपको कारण देशमा लकडाउनको स्थितिबीच बसेको बैठकले संगठनलाई प्रभावकारी बनाउने निष्कर्षमा पुगेको छ।
प्रतिक्रिया