काठमाडौं – गैरसरकारी संस्थामा कार्यरत चिकित्सकहरु एकजुट भएका छन्। सरकारी सेवा बाहिर रहेका डाक्टरहरुले गैरसकारी चिकित्सक संघ गठन गरेका हुन्।
९ सदस्यीय कार्यसमिति रहेको संघको अध्यक्षमा डा. यमप्रसाद दुवा र महासचिवमा डा. रितेश थापा रहेका छन्।
नवनियुक्त महासचिव डा थापाका अनुसार ९ सदस्यीय समितिमा निजी तथा सरकारी सेवाभन्दा बाहिर रहेका डाक्टरहरुको पेशागत हकहित, सुरक्षा, क्षमता अभिवृद्धि लगायतका क्षेत्रमा काम गर्ने गर्नेछ।
निजी क्षेत्रमा कार्यरत डाक्टरहरुले देशैभर सेवा दिइरहेपनि उनीहरुको योगदानको कदर नभएको र संस्थागत आवाज बाहिर नआएको उल्लेख गर्दै थापाले संस्था स्थापना गरिएको उल्लेख गरे। थापाका अनुसार देशभरमा करिब १८ हजार गैरसरकारी डाक्टरहरु रहेका छन्।
प्रतिक्रिया