Logo

मनोरञ्जन

तीन बहिनीः शहरी जीवनको मोह र पारिवारिक विचलन



काठमाडौं, ११ जेठ – औद्योगिक युगको प्रारम्भसँगै विश्वमा शहरीया जीवनशैली पछ्याउनेहरुको जमात ह्वात्तै बढ्यो। जसकारण विश्वमा सामाजिक विचलन देखियो।

ग्रामीण क्षेत्रका नागरिकहरुको पलायन र स–साना शहरहरुको विकास तीव्र भयो। शिल्पी थिएटरमा मञ्चन भइरहेको एन्टोन चेकोवको नाटक थ्री सिस्टर्सको नेपाली अनुवाद तीन बहिनी पनि त्यही परिवेशको प्रतिबिन्ब हो।

नाटकमा सैनिक अधिकृतको परिवारलाई प्रस्तुत गरिएको छ। पिताको मृत्युपछि उनका तीन छोरीहरु आभा, माया र रिना तथा एक छोराको उराँठलाग्दो दैनिकीलाई देखाइएको छ। आभा जेठी छोरी हुन्। र, उनी स्कुलमा पढाउँछिन्।

३५ वर्षको उमेरमा पनि उनले जीवनसाथी पाएकी छैनन्। आफ्नो काम र बितिरहेको उमेरसँग असन्तुष्ट छिन्। महिला बहिनी माया कुशप्रसाद नामका शिक्षकसँगको विवाह गर्छिन्। तर, वैवाहिक जीवनसँग पटक्कै सन्तुन्ट छैनन्।

माया एक जना सैनिक अधिकृतसँग प्रेममा परेकी छिन्। तर, उनीहरुको प्रेममा केही अवरोध छन्। जुन निकै रोचक र स्तब्ध पनि पार्ने हुन्छन्। कान्छी    बहिनी रिना कल सेन्टरकी जागिरे हुन्। उनी सपनाको राजकुमार भेट्न शहर जाने सोचमा हुन्छिन्। जहाँ सुखीजीवन पाउने अपेक्षामा उनी छिन्।

उनीहरुको एक माइती छन्, दीपकजंग। उनको विवाह निकितासँग हुन्छ। निकिता र तीन बहिनीको सोच जीवनशैली फरक छ।

यसरी शुरु भएको नाटक विभिन्न आरोह–अवरोह हुँदै अन्त्यमा तीन बहिनीको आपसी प्रेम र नयाँ यात्रा प्रारम्भको अठोटमा पुगेर टुंगिन्छ।

तर, कसरी? यसका लागि भोलि (शनिबार) सम्म मञ्चन हुने नाटक तीन बहिनी शिल्पी थिएटर गएर हेर्न सक्नु हुनेछ। नाटकको अनुवाद मेघराज अधिकारीले गरेका हुन्।

युवा निर्देशक घनश्यान श्रेष्ठको निर्देशन रहेको नाटकमा शान्ति गिरी, शुष्मा कोइराला, सुनिसा बजगाई, श्याम खड्का, श्रीओम रोदन, घिमिरे युवराज, जीवन बराल, विकाश जोशी, अर्जुन न्यौपाने, आन्ना देउजा, सुरेश जिसी, अस्मिता खनाल, अमुल श्रेष्ठ, शुलभ पाण्डे लगायतका कलाकारले अभिनय गरेका छन्।

निर्देशक श्रेष्ठले तीन बहिनी निर्माण गर्न धेरै मिहेनत गरेको उल्लेख गर्दै सहयोग गर्ने सबैलाई धन्यवाद दिएका छन्।

प्रकाशित : ११ जेष्ठ २०७५, शुक्रबार

सम्पर्क

अनामनगर, काठमाडौं, नेपाल
+९७७ ९८५७०५०९७० / +९७७ ५९ ५२४२२०
[email protected] [email protected]

हाम्रो समूह

  • सम्पादक
    यादव थपलिया ९८४१३८९००६
  • व्यवस्थापक
    शिक्षा थपलिया
  • अध्यक्ष
    तीर्थमणि अधिकारी
  • प्रबन्ध सम्पादक
    शान्तिराम नेपाल